Знам, же обзерал тото засіданя на онлайн і редактор Бесіды, бо пише малым писаньом під велькым писаньом о тым, як міністерияльный рапортник помішал ватру з вартом, і то аж двараз, што выключат обычну омылку, а потверджат тупоту ориєнтациі в справі.

Та тота тупота потвердила ся не лем в тых деталях. В цілым оне засіданя припомнуло мі (так перед Рождеством) двох глухых колядників, коли то єден співал „Бог предвічный”, а другій „Бог ся раждає”.

Заправды не чули ся ту обі страны. Для стислости: як надтыркнено выжше – то для державных урядників істота всякых проблемів представляных нашыма высланниками явила ся сфером абстракциі. Гвар му, не гвар, а оно сідит гейбы на турецкым казаню.

Місцями зберало ся мі на сміх. І сміял бы-м ся, кєд бы не свідоміст – же над тым треба бы было лем рясно заплакати. (пт)

Dodaj komentarz

Twój adres e-mail nie zostanie opublikowany. Wymagane pola są oznaczone *